08.8.2016 Вест хем донесе бек од Олимпијакос
Левиот бек Артур Масуаку е нов фудбалер на лондонскиот премиерлигаш Вест хем.
Францускиот фудбалер во тимот на Славен Билиќ дојде од грчкиот Олимпијакос и потпиша четири годишен договор.
„Голема чест е да се биде дел од овој клуб. Разговарав со агентот за понудите и кога ми кажа дека постои опција за Вест хем не размислував многу. Едвај чекам повторно да играм со мојот сонародник Димитри Паје“, изјави Масуаку за клупската интернет страница.
Масуаку претходните две години играше за Олимпијакос, а пред тоа настапуваше за Валенсиен.
Французинот е осмо засилување за „чеканите“ ова лето по Софиан Фегули, Тони Мартинес, Харвард Нордвајт, Домингос Кин, Ешли Флечер, Гокан Торе и Мануел Лансини.