18.8.2016 Мане се повреди на тренинг
Фудбалерот на Ливерпул Садио Мане го повреди рамото на утринскиот тренинг во средата, пренесува „ББЦ“.
Се шпекулира дека Мане го изместил рамото и дека ќе мора да направи пауза од неколку седмици.
Тоа би можело да биде можност за српскиот репрезентативец Лазар Марковиќ кој исто како Мане е крилен напаѓач.
Мане ова лето пристигна од Саутхемптон на „Енфилд“ за 30 милиони фунти, а дебитираше со феноменален гол во победата над Арсенал со 4-3 на самиот почеток на сезоната во Премиер лигата.
Ливерпул претстојниот викенд повторно гостува но овој пат кај повратникот во елитата Барнли.