09.12.2016 Хапоел го шокираше Саутхемптон, Јунајтед рутински до второто место
Израелскиот Хапоел Бер Шева ѝ се приклучи на Спарта Прага во елиминациската фаза од Лигата на Европа откако одигра 1-1 на гостувањето кај Саутхемптон кој е елиминиран по овој резултат.
Хапоел и Саутхемптон имаат ист број бодови, но Израелците одат понатаму затоа што постигнаа гол во гости во директниот дуел откако на првиот натпревар беше 0-0. Гостите поведоа со голот на Бузаглу во 79-ата минута, а премиерлигашот израмни со голот на Ван Дијк во судиското продолжение.
Ова е епилогот во групата К во која од порано е елиминиран Интер кој од ова натпреварување се прости пред празните трибини на „Џузепе Меаца“ со победа над Спарта со 2-1.
Во групата Г Селта го обезбеди второто место по победата над Панатинаикос од 2-0, а Стандард и Ајакс одиграа 1-1.
Манчестер јунајтед рутински ја заврши работата на гостувањето кај Зорја и славеше со 2-0. Хенрик Мхитарјан го постигна првиот гол во дресот на „ѓаволите“ во 48-та минута, а победата ја завери Ибрахимовиќ на две минути пред крајот.
Англискиот тим во шеснаесет финалето се пласира како втор во групата А, а првото место му припадна на Фенербахче кој со голот на Муса Соу го победи Феенорд на гости со 1-0.
Во шеснаесет финалето се пласираа: Фенербахче, Манчестер јунајтед, АПОЕЛ, Олимпијакос, Сент Етјен, Андерлехт, Зенит, Аз Алкмар, Рома, Астра, Атлетик Билбао, Рапид, Ајакс, Селтик, Шахтар, Гент, Шалке, Краснодар, Фиорентина, ПАОК, Спарта Прага, Хапоел Бер Шева, Османлиспор, Вилјареал.