13.12.2016 Најнголан го сруши Милан, Рома го следи Јувентус
Фудбалерите на Рома на домашен терен ја победија екипата на Милан со 1-0 во дерби-натпреварот од 16-тото коло на италијанската Серија А.
Рома е втора на табелата со 35 бодови, четири помалку од првопласираниот Јувентус, додека Милан се наоѓа на третата позиција со 32 освоени бода.
Победата на Рома на синоќешниот натпревар ѝ ја донесе Раџа Најнголан со погодокот во 62-рата минута.
Рома во првото полувреме беше поопасниот ривал на теренот, но сепак Милан доби најдобра шанса за гол. Војќех Шченсни, голманот на Рома, во 27-мата минута предизвика пенал, но брзо се искупи бидејќи го одбрани ударот на Мбаје Нијанг.
Мрежите беа мирни до 62-рата минута, кога Најнголан убаво погоди од дваесет метри.
Рома во наредното коло ја очекува уште едно дерби, гостува кај Јувентус, додека Милан на свој терен ја дочекува Аталанта.