07.3.2017 Озил нема да игра против Баерн
Месут Озил, фудбалерот на Арсенал, нема да биде во составот за реваншот од осминафиналето против Баерн Минхен вечерва.
Германскиот репрезентативец е болен, па Арсенал ќе има дополнителен проблем бидејќи првиот натпревар го изгуби со убедливи 5-1.
„Озил не е физички подготвен. Би требало да биде подготвен за викендот. Дури завчера почна да тренира“, изјави менаџерот Арсен Венгер.
Во првиот натпревар во Минхен, Озил беше незабележлив на теренот, па навивачите го критикуваа. Нему му остануваат уште 18 месеци од договорот, а тој изјави дека ќе остане во клубот доколку остане и Венгер.