27.4.2017 Рома без Де Роси во дербито со Лацио
Дерби дела Капитале се игра во недела, сите го исчекуваат дуелот меѓу двата тима од Рим, престолнината на Италија, а „волчицата“ има мали проблеми пред овој натпревар.
Даниеле де Роси не го играше претходниот натпревар во понеделникот против Пескара поради повреда, а оттогаш одделно тренира со екипата и е под голем знак прашалник дали ќе биде подготвен за големиот дуел.
Со неговото искуство би можело многу да ѝ помогне на екипата на Лучијано Спалети, но според првите прогнози, тоа најверојатно нема да се случи.
Она што е сигурно е тоа дека Спалети ќе игра со неговата формација 4-3-3, а замена за Де Роси најверојатно ќе биде Паредес.