25.5.2017 Мората ги одби Челзи и Јунајтед поради Милан
Реал Мадрид се согласил да ѝ го продаде Алваро Мората на екипата на Милан, пренесуваат италијанските медиуми.
„Газета дело спорт“ пишува дека Мората ги одбил понудите на Челзи и на Манчестер јунајтед и ја прифатил таа на Милан од 7,5 милиони евра по сезона.
Реал летоска го врати Мората од Јувентус за 30 милиони евра, десет повеќе отколку што ѝ го продаде на „старата дама“ пред две години, но не го најде неговото место во тимот на Зинедин Зидан.
Шпанскиот репрезентативец постигна 20 голови на 42 натпревари, а Милан наводно за трансферот ќе плати 60 милиони евра.
Мората ќе биде второ засилување на „росонерите“ за следната сезона, по стоперот Матео Мусаки од Вилјареал.