10.7.2017 Челзи го доведе Ридигер од Рома
Одбранбениот играч со германски пасош потпиша петгодишен договор со екипата од „Стемфорд бриџ“.
Дваесет и четиригодишниот Антонио Ридигер, кој до неодамна беше дефанзивен играч на Рома, потпиша петгодишен договор со Челзи од Лондон.
„Супер е чувството, нема секој играч шанса да потпише договор со олку голем клуб“, изјави Ридигер, кој во редовите на „сините“ ќе го носи дресот со бројот два.
Пред Германецот, во Челзи, како слободен играч, дојде голманот Вили Кабалјеро од Манчестер сити. Нема сомнение дека шампионот на Англија сега почнува да се загрева во преодниот рок.