Претседателот на Фудбалскиот сојуз на Шпанија приведен поради корупција

Анхел Марија Вилјар, претседателот на Фудбалскиот сојуз на Шпанија, е приведен под обвинение за корупција, пренесува весникот „Ел Паис“.

Неговиот син Горка и тој се приведени под сомнение дека на почетокот на годината ги користеле фондовите на Фудбалскиот сојуз на Шпанија за да може од регионалните претседатели на Сојузот да обезбеди поддршка за реизбор на местото прв човек на шпанскиот фудбал.
Вилар, кој е 19 години на чело на Фудбалскиот сојуз на Шпанија, на контроверзен начин беше реизбран за претседател во мај бидејќи кандидатот Хорхе Перес не доби поддршка за избор.
Шеесет и седумгодишниот функционер беше кандидат и за претседател на УЕФА, кога си замина Мишел Платини, но се повлече од трката за да се сконцентрира на Фудбалскиот сојуз на Шпанија.