25.7.2017 Чичарито официјално во Вест хем
Мексиканскиот фудбалер Хавиер Ернандес Чичарито се врати во Премиер лигата, потпиша тригодишен договор со Вест хем.
„Чеканите“ за трансферот на поранешниот напаѓач на Манчестер јунајтед и на Реал Мадрид му платиле 16 милиони фунти на германскиот Баер од Леверкузен.
Ернандес има 29 години, потекнува од Гвадалахара, а за претходните четири клуба на 346 натпревари постигна 136 голови.
Тој е најдобар стрелец во историјата на репрезентацијата на Мексико со 48 погодоци на 96 натпревари за „Ел Три“.
Чичарито е трет голем трансфер на Вест хем ова лето, по заемот на Џо Харт, репрезентативниот голман на Англија, и најскапото засилување во историјата на клубот Марко Арнаутовиќ.