20.9.2017 „Лисиците“ го елиминираа Ливерпул од Лига купот
Ливерпул го заврши натпреварувањето во третото коло од Лига купот откако Лестер на стадионот „Кинг пауер“ беше подобар од „црвените“ со резултат 2-0 (0-0).
Јирген Клоп изведе комбиниран состав. „Лисиците“ поведоа во 65-тата минута со погодокот на Оказаки, а Слимани со фантастичниот гол во 78-мата минута го постави конечниот резултат.
Во останатите натпревари, Кристал палас го победи Хадерсфилд со 1-0 со голот на Бакари Сако. Стоук испадна од Бристол сити со 2-0, додека Вест хем го победи Болтон со 3-0.
Фудбалерите на Тотенхем и на Свонси остварија сигурни победи. „Петлите“ на нивен терен беа подобри од Барнсли со 1-0, а одлучувачкиот гол го постигна Деле Али во 65-тата минута.
Свонси на стадионот „Мадејски“ го совлада Ридинг со 2-0, а двата гола се постигнати во второто полувреме.
„Лебедите“ поведоа во 52-рата минута со погодокот на Алфи Мосон, а конечниот резултат го постави Џордан Ају на седум минути пред крајот на натпреварот.