12.12.2017 Кутињо се договорил со Ливерпул, налето во Барселона
Бразилскиот фудбалски репрезентативец Филипе Кутињо постигнал договор со Ливерпул наредното лето да го напушти клубот и да се пресели во Барселона, тврди „Мирор“.
Како што се наведува, Кутињо ѝ понудил на управата на клубот во јануари да не ги отвора повторно преговорите со Каталонците и дека максимално ќе ја одработи сезоната до крајот, но доколку добие ветување дека налето ќе го пуштат во Каталонија.
Таквата понуда на „Енфилд роуд“ била проценета како фер и Бразилецот ќе ја оствари големата желба да направи трансфер во Барселона, иако една година подоцна, а Ливерпул ќе инкасира повеќе од сто милиони евра.