31.12.2011 Сарагоса му врачи отказ на Агире
Мексиканскиот стратег Хавиер Агире доби отказ од должноста тренер на Сарагоса поради лошите резултати.
По одиграните шеснаесет кола Сарагоса е на последното место на табелата само со десет освоени бодови. Од 17-ти октомври таа е без победа во сите натпреварувања, па управата на клубот реши да му се заблагодари за соработката на Мексиканецот, поранешниот селектор на Мексико, кој порано ги предводеше Осасуна и Атлетико Мадрид.
Агире на клупата на Сарагоса седна во декември минатата година и на клубот му обезбеди опстанок во Примера лигата со победата над Леванте од 2-1. Потоа му беше понуден нов договор, кој раководството на клубот сега го раскина.
„Му се заблагодаруваме на Агире и на неговиот професионализам во текот на работата во нашиот клуб. Но ситуацијата ни налага итна промена на правецот и затоа го раскинавме досегашниот договор“, соопштија од клубот.
На негово место ќе дојде Хосе Мигел Гонзалес, познат како Мичел, поранешна ѕвезда на Реал Мадрид, а на жешката клупа ќе седене по новата година.