23.1.2015 Кајл Нотон од Тотенхем прејде во Свонси
Свонси вчера значително ја засили својата одбранбена линија со доведувањето на Кајл Нотон.
Неодамнешниот играч на Тотенхем потпиша три и пол годишен договор со „лебедите“.
Нотон го носеше дресот на тимот од Лондон во претходните пет и пол сезони и одигра вкупно 74 натпревари за Тотенхем.
Тој е трето засилување на Свонси во зимскиот преоден рок, по Нелсон Оливеира и Мет Грајмс.
Овој 26-годишен десен бек за својот нов клуб би можело да дебитира утре, на натпреварот од ФА купот со Блекбурн.