08.1.2016 Платини ја повлече кандидатурата за претседател на ФИФА
Суспендираниот шеф на УЕФА Мишел Платини соопшти дека ја повлекува својата кандидатура од изборите за претседател на ФИФА.
„Нема да се појавам на претседателските избори за ФИФА. Ја повлекувам својата кандидатура. Не можам повеќе, немам веќе ни време ни средства да се сретнам со избирачите, да се состанам со луѓето, да се борам со другите“, изјави Платини за спортскиот весник „ Л`Екип“ во интервјуто кое денес ќе биде објавено во целост.
Етичкиот комитет на ФИФА го суспендираше кон крајот на декември претседателот Сеп Блатер и првиот човек на УЕФА, Мишел Платини на осум години.
Блатер и Платини се казнети бидејќи првиот човек на ФИФА му уплатил на Французинот во 2011 година два милиони швајцарски франци за работни совети на основа на „устен договор“.