07.9.2016 Младата репрезентација на Македонија на чекор до ЕП
Младата македонска фудбалска репрезентација ја совлада Северна Ирска со 2-0 и на едно коло до крајот е лидер во третата група од квалификациите за Европското првенство 2017 во Полска.
На синоќешниот натпревар на арената „Филип Втори“ триумфот беше најавен со автоголот на Џош Доери во 37-мата минута од средбата, а потоа го потврди Кире Маркоски со погодокот во 85-тата минута. Во прилог на ова беше и победата на „триколорите“ со 2-0 во натпреварот меѓу Франција и Исланд, по што Исланѓаните од првата испаднаа на третата позиција.
На тешкиот и лизгав терен на арената „Филип Втори“ нашите репрезентативци заслужено стигнаа до новата победа во циклусот за завршниот турнир на континентот. Во текот на целиот натпревар Македонија беше подобра од гостинот, а тоа може да се потврди и со големиот триумф од Единбург и со поголемата гол-разлика против „фенерџијата“ во групата, иако на крајот и ова е сосема доволно.
До крајот на квалификациите, репрезентацијата на Македонија ја очекува дуелот на домашен терен со Шкотска во октомври.
Квалификации за Европското првенство 2017 година:
Група 3
Резултати: Македонија – Северна Ирска 2-0
Франција – Исланд 2-0
Украина – Шкотска 4-0
Табела: Македонија 18 (9 натпревари), Франција 17 (9), Исланд 15 (8), Украина 10 (8), Шкотска 8 (8), Северна Ирска 1 (8)