31.12.2016 Милан заинтересиран за фудбалерот на Евертон
Жерар Деулофеу, фудбалерот на Евертон, во наредниот преоден рок би можело да го засили Милан, пишуваат италијанските медиуми.
Клубот од „Сан Сиро“ е подготвен да го доведе на заем, а како што се наведува, „росонерите“ веќе испратиле понуда на адреса на „карамелите“.
Деулофеу не е во плановите на менаџерот Роналд Куман, а од почетокот на сезоната одигра 11 натпревари, а само на еден на теренот беше до првата до последната минута.
Покрај Милан, за него е заинтересиран и Депортиво од Ла Коруња, а останува да се види дали понудата на миланскиот клуб ќе биде прифатена.