05.5.2017 Рашфорд за минимален резултат на Јунајтед во Виго
Екипата на Манчестер јунајтед ја совлада Селта во Виго во првиот натпревар од другото полуфинале на Лигата на Европа – 1-0 (1-0).
Стрелец на единствениот гол беше англискиот репрезентативец Маркус Рашфорд, кој со фантастичниот слободен удар во 67-мата минута ѝ донесе победа на екипата на Жозе Мурињо.
Домаќините од самиот старт му парираа на противникот и само по десет минути од натпреварот, имаа шанса да го загрозат неговиот гол.
Екипата на Жозе Мурињо беше поконкретна во продолжението и само благодарение на одличната одбрана на Алварес, не водеше по 45 минути игра.
До конечно водство дојде во 67-мата минута, кога Рашфорд изведе фантастичен слободен удар и го постави конечниот резултат во Виго.
Реваншот ќе се игра во четврток, на 11-ти мај, на стадионот „Олд Трафорд“ во Манчестер.
Другиот полуфинален пар го сочинуваат Ајакс и францускиот Лион, а во првата средба победи холандскиот клуб со 4-1.
Финалето на Лигата на Европа ќе се игра на 24-ти мај во Стокхолом.