02.12.2016 Салах дефинитивно ќе го пропушти дербито
Мохамед Салах дефинитивно ќе го пропушти натпреварот против Лацио, соопштија од Рома.
Во недела, од 15 часот, на програмата е новото големо дерби меѓу Лацио и Рома. Се верува дека ќе биде многу интересно, двете екипи се наоѓаат во одлична форма и на табелата ги дели само еден бод.
Рома моментно е третопласирана со 29 бодови и е домаќин на овој натпревар.
„Волчицата“ ќе има и еден сериозен кадровски проблем, на натпреварот нема да може да настапи Мохамед Салах, египетскиот фудбалер кој се повреди на тренингот.
Салах е повреден од страна на Томас Вермелен, а Рома се огласи со соопштение.
„На вчерашните испитувањата е утврдено оштетување на лигаментите на десниот глужд, а денес на Салах ќе му бидат направени нови тестови коишто ќе го одредат периодот за закрепнување“, пишува во соопштението на официјалната интернет-страница на Рома.
Салах се очекува да се врати до Нова година.