31.3.2017 Мундијалот со 48 екипи, Европа само со 16 места
Репрезентациите од Европа ќе имаат само 16 места на Светското првенство 2026 година, кое ќе се игра во рамките н новиот формат.
Мундијалот во 2026 за прв пат ќе биде организиран за 48 репрезентации, а Светската фудбалска федерација соопшти кој континент ќе има по колку претставници.
На Европа ѝ се дадени најмногу, но многу помалку отколку што беше очекувано.
Челниците на континенталните конфедерации се согласија за бројот на учесниците од секој дел на светот – КАФ (Африка) ќе има девет претставници, АФК (Азија) осум, КОНКАКАФ (Северна Америка, Централна Америка и Карибите) и КОНМЕБОЛ (Јужна Америка) по шест, додека ОФК (Океанија) ќе има само едно место.
Преостанатите две места ќе бидат за домаќинот на турнирот, како и за победникот во плејофот во којшто ќе учествуваат претставници на сите конфедерации освен УЕФА.
Конечната одлука ќе биде донесена на деветти мај, на седницата на ФИФА.