02.8.2018 Елмас со асистенција во победата на Фенербахче
Нашата најголема фудбалска надеж одигра одлично на мечот против Калјари
Македонскиот фудбалски бисер Елиф Елмас одигра уште еден одличен меч во дресот на Фенербахче. На пријателската средба против Калјари, Елмас имаше една асистенција во победата на турскиот тим од 2:1.
Во 57 минута, Елмас тргна во соло акција, претрча речиси 50-тина метри, а потоа несебично асистираше до Потук, кој погоди за 2:0.
Елмас кој има само 18 години, стандардно е во првиот тим на Фенербахче во летниот подготвителен период, а досега даде и еден погодок. Турските медиуми за Елмас пишуваат како еден од најталентираните фудбалери во цела лига.