22.11.2016 Меси се враќа во тимот против Селтик
Според пишувањата на шпанските медиуми, се очекува најдобриот играч на светот Лионел Меси да биде во составот на Барселона на утрешниот натпревар против Селтик.
Аргентинецот не играше во ремито на Каталонците со Малага во текот на викендот поради стомачни проблеми, но закрепна и во неделата нормално тренираше.
Во екипата ќе се врати и Луис Суарес, кој дуелот со Малага го пропушти поради суспензија, а во тимот ќе бидат и Жорди Алба и Жерар Пике.
Барселона сè уште е без Андрес Иниеста и без Самјуел Умтити, но и двајцата би требало да се вратат за Ел Класико на трети декември.
Доколку Барселона го победи Селтик, ќе обезбеди пласман во осминафиналето.