12.1.2017 Челзи ќе го проширува „Стемфорд бриџ“ за 19.500 места
Челзи доби градежна дозвола од лондонската општина Хамерсмит и Фулам за проширување на стадионот „Стемфорд бриџ“.
Со проектот вреден околу 500 милиони фунти, „сините“ ќе го зголемат капацитетот на нивниот стадион од 41.629 на околу 60.000 места.
Конечниот збор би требало да го даде Садик Кан, градоначалникот на Лондон, но се очекува тоа да биде само формалност, па Челзи наскоро ќе почне со реновирање на неговиот дом.
Се очекува обновениот „Стемфорд бриџ“ да биде подготвен за натпреварите во сезоната 2021/22, а Челзи во меѓувреме своите натпревари би ги играл на „Вембли“ или можеби на храмот на рагбито „Твикенхем“.
Во Челзи очекуваат освежениот стадион да им донесе малку помлада публика, со оглед на тоа дека просечната старост на сопствениците на сезонските влезници е 55 години.
„Стемфорд бриџ“ е изграден во 1876 година, два пати е реновиран, последно во 1990 година.