Илјараменди го дочека повикот во „црвената фурија“

Асиер Илјараменди, играчот за врска на Реал Сосиедад, доби повик од Хулен Лопетеги, селекторот на Шпанија, за квалификацискиот натпревар со Израел.

Илјараменди ќе дебитира за „црвената фурија“, а од селекторот на Шпанија не беше повикуван дури ниту како фудбалер на Реал Мадрид.
Него Лопетеги го повика пред играчите за врска на Манчестер јунајтед и на Челзи, Хуан Мата и Франсеск Фабрегас. Во редовите на „црвената фурија“ се враќа Педро Родригес, крилниот напаѓач на Челзи.
Шпанија го дочекува Израел на 24-ти март во Хихон, во петтото коло од квалификациите за Светското првенство 2018 година. Четири дена подоцна ќе гостува во Франција, во пријателски натпревар.
„Црвената фурија“ го дели првото место во групата Г со Италија со по десет бодови, но има и подобра гол-разлика (15-1). Израел е трет со девет, а е во серија од три победи.
Голмани: Давид де Хеа (Манчестер јунајтед), Пепе Реина (Наполи), Серхио Рико (Севилја);
Одбрана: Жорди Алба (Барселона), Сесар Аспикликуета (Челзи), Дани Карвајал (Реал Мадрид), Хави Мартинес (Баерн Минхен), Начо Монреал (Арсенал), Начо (Реал Мадрид), Жерар Пике (Барселона), Серхио Рамос (Реал Мадрид);
Ред за врска: Тијаго Алкантара (Баерн Минхен), Серхио Бускетс (Барселона), Андер Ерера (Манчестер јунајтед), Асиер Илјаременди (Реал Сосиедад), Андрес Иниеста (Барселона), Иско (Реал Мадрид), Коке (Атлетико Мадрид), Давид Силва (Манчестер сити).
Напад: Јаго Аспас (Селта Виго), Диего Коста (Челзи), Жерар Деулофеу (Милан), Алваро Мората (Реал Мадрид), Педро (Челзи), Витоло (Севилја).