Вардар со втор пораз за три дена

Ракометарите загубија на гости кај Загреб во дербито од СЕХА лигата

Ракометарите на Вардар го претрпеа вториот пораз за само три дена. По неуспехот кај Келце во Лигата на шампиони, овојпат „црвено-црните“ загубија на гостувањето кај Загреб, со 26:23. По петте стартни победи, за Вардар ова е прв пораз во регионалното натпреварување. Сега Вардар и Загреб имаат по пет победи и еден пораз и се на делба на лидерската позиција.
Македонскиот првак добро започна. Поведе со 1:0, а и во следните 10-тина минути го контролираше резултатот 5:3. Сепак играчите на Загреб не дозволија гостите да создадат посериозна предност, па на полувремето беше нерешено 14:14. Неверојатно слаб втор дел одиграа вардарци во Загреб.
Нападот делуваше катастрофално. По 15 минути игра Вардар имаше дадено само три гола, а во исто темпо продолжија и во следните 5 минути, па на 10 минути до крајот избраниците на Парондо само четири пати ја затресоа мрежата на Загреб.
Хрватскиот првак предводен од стратегот Лино Червар, добро ја простурирал играта на Вардар и благодарение на тоа што успеаа да го сопрат нападот на фаворитот, успеаа да стигнат до два гола позитива (20:18). Во последните 10 минути, Вардар продолжи да делува немоќно, па на крајот заслужен е поразот од три гола.
Кристопанс со четири гола пд пет шута беше прв стрелец кај Вардар. Дибиров даде три гола, но дури од 10 шута. По три погодоци имаа и Караџиќ и Киселев. И голманот Дејан Милосављев не беше на нивото на задачата па одбрани само шет удари на противниците.