28.12.2016 Алегри се скара со клубот, си оди со Дибала?
Масимилијано Алегри, тренерот на Јувентус, се скара со челниците на клубот, поради што би можело да го напушти Торино, а по истите стапки би можело да тргне и Пауло Дибала.
„Газета дело спорт“ наведува дека односот на Алегри со функционерите е нарушен по поразот од Милан во Суперкупот на Италија, но и поради различниот план во преодниот рок.
Веќе се појавија и тројца кандидати за тренерот кој со „старата дама“ освои две двојни круни и играше во финалето на Лигата на шампионите, во исто толку сезони на клупата, а тоа се Пауло Соуса од Фиорентина и Еузебио ди Франческо од Сасуоло.
Алегри не е единствениот проблем на клубот, туку и најдобриот фудбалер Пауло Дибала, бидејќи искажал незадоволство од понудата околу новиот договор и од минутажата во последно време.
Јувентус на Дибала му нуди 5,5 милиони евра по сезона, што е значително помалку од најплатениот во тимот Гонзало Игуаин (7,5 милиони евра годишно), па одличниот Аргентинец би можело да се сврти кон понудите на Реал и на останатите гиганти.