Беневенто го отпушти тренерот

Италијанскиот прволигаш Беневенто го отпушти тренерот Марко Барони по низата очајни резултати на стартот на новата сезона.

Популарните „вештери“ од Кампања оваа сезона за прв пат влегоа во Серија А, а на стартот на натпреварувањето забележаа девет последователни порази со гол-разлика 2-22, што е најлош резултат на една екипа на почетокот на италијанската лига.
Педесет и четиригодишниот Барони е сменет по најновиот пораз против Фиорентина (3-0), додека на негово место ќе дојде 38-годишниот Роберто де Зерби.
Де Зерби во играчката кариера беше член на: Милан, Монца, Падова, Авелино, Салернитана, Леко, Фоџа, Арецо, Катанија, Наполи, Бреша, Клуж и Тренто.
Како тренер ги водеше Дарфо Боарио, Фоџа и Палермо, што му е единствено искуство како тренер во Серија А.