24.1.2018 Севилја го елиминира Атлетико, Гриезман го постигна голот на сезоната
Фудбалерите на Атлетико Мадрид не успеаја да се пласираат во полуфиналето на Кралскиот куп бидејќи по втор пат изгубија од Севилја – 3-1.
По поразот на „Ванда Метрополитано“ со 2-1, Севилја пред домашните навивачи убедливо славеше со вкупен резултат од 5-2 и се пласира во полуфиналето.
Андалузијците поведоа уште во 25-тата секунда со голот на Ескудеро, и тоа по одличната акција.
Но, гостите во 13-тата минута изедначија. Гамеиро му асистираше на Антоан Гриезман за еден од најубавите погодоци оваа сезона.
Во второто полувреме домаќините повторно имаа предност. Во 47-мата минута Евер Банега беше прецизен од пенал за 2-1, а точка на овој натпревар стави Сарабија за недостижни 3-1.
Севилја во полуфиналето го чека Реал Мадрид или Валенсија, кои во првите натпревари ги совладаа Леганес и Алавес, додека Барселона денес ќе го дочека Еспањол, кој во првиот натпревар славеше со 1-0.