Ефенберг издржа само пет месеци на клупата Падерборн

Германскиот второлигаш Падерборн го отпушти тренерот Штефан Ефенберг за помалку од пет месеци откако ја презема екипата.

Поранешниот германски репрезентативец го презема Падерборн на 13-ти октомври и врза две победи, но од тогаш тимот не победи на 12 првенствени натпревари по ред па се наоѓа на претпоследното место на табелата од втората лига и е на пет бодови од сигурната зона.
Исто така во текот на неговиот мандат Падерборн во Купот загуби од Борусија Дортмунд со 1-7.
Падерборн соопшти дека во преостанатите 10 првенствени натпревари во тимот ќе го предводи Рене Мелер, а во следниот натпревар Падерборн во сабота ќе игра против Гројтер Фирт.