30.6.2014 Сколари: Колумбија ќе ги искористи нашите грешки
Луис Фелипе Сколари, селекторот на Бразил, изјави дека неговите играчи мора многу помалку да грешат против Колумбија во четврт-финалето.
Бразил се пласира меѓу осумте најдобри на светот со победата над Чиле по пеналите во осминафиналето.
„Против Колумбија ќе настојуваме многу помалку да грешиме, посебно во одбраната. Чиле поради наша грешка погоди во стативата во 118-тата минута, но тоа не смееме да им го дозволиме на Колумбијците, бидејќи тие сигурно ќе го искористат“, изјави Сколари.
Бразил поведе против Чиле во 18-тата минута, но продолжението на натпреварот се плашеше и едвај стигна до пенали.
„Очекувам дека против Колумбија ќе ни биде уште потешко отколку против Чиле. Дури и оние најискусните играчи чувствуваа притисок во натпреварот од осминафиналето, а јас во тимот имам доста неискусни играчи“, додаде Сколари.
Бразил и Колумбија во четврт-финалето на Мундијалот ќе се сретнат во петок од 22 часот.