22.9.2016 Тотенхем продолжи со осигурување на тимот
Праксата со продолжување на договорите на своите играчи во Тотенхем оваа сезона продолжува.
Денес е обелоденето дека договорот со клубот го продолжил одличниот бек Дени Роуз.
По продолжувањето на соработката со Волкер, Керол, Дајер, Ериксен, Али и уште неколкумина фудбалери, беше очекувано нов договор да добие и Роуз.
Дефанзивниот играч на „Вајт харт лејн“ е од 2007 година, кога стигна од Лидс за милион евра.
Потоа следуваа заеми во Ватфорд, Питерборо, Бристол и Сандерленд, а вистинска шанса во редовите на Тотенхем доби во 2013 година, под водство на Тим Шервуд.
Покетино продолжува да смета на него, а со одличните партии во дресот на „петлите“ Роуз се избори и за репрезентативниот дрес.
Новиот договор го потпиша до 2021 година.