18.12.2015 Американци вложуваат во Кристал палас
Менаџерот на Кристал палас, Алан Пердју, изјави дека инвестициите на американските спортски тајкуни ќе му овозможат на клубот да ги оствари високите очекувања и да се радува на иднината.
Дејвид Блицер и Џош Харис, сопствениците на НБА клубот Филаделфија и американскиот професионален фудбалски клуб Њу Џерси девилс, веќе повеќе од година дена преговараат со управата на Кристал палас околу купување на акции во клубот.
Деталите сè уште не се објавени, но Пердју навести дека договорот може да биде постигнат. Тренерот на Кристал палас изјави дека „во извесна мерка бил вклучен во разговорите со Џош и Дејвид, кои имаат страст за овој фудбалски клуб“.
„Блицер и Харис со себе носат искуство од другите спортови и поседуваат вештини за водење на поголеми клубови од Кристал палас. Поддршката многу би ни значела за да напредуваме“, изјави Пердју.